Prohor Blog

Posted By Macedon on January 19, 2024

~+~

„На другиот ден, Го виде Јован Исус како доаѓа при него и рече: ’Еве го Јагнето Божјо, Кое ги зеде гревовите на светот врз Себе.‘“

Да, паднат човек не може да спаси паднат човек, туку Богочовекот Христос го спасува паднатиот човек. А го спасува преку целиот Домострој на нашето спасение, од воплотувањето, преку смртта и воскресението, па сѐ до Своето славно вознесение и седнување оддесно на Отецот. Го спасува целиот Адам преку Телото Свое, Црквата, оживотворено од Светиот Дух Господ на денот на светата Педесетница. Го спасува целото паднато човештво преку Светите Тајни и светите добродетели на Светиот Дух, во Црквата. И го спасува, само ако тоа го сака и конкретниот човек.

„Овој е, за Кого што реков: ’По мене иде Човек, Кој пред мене беше, оти постоеше порано од мене.‘“

Со други зборови: по мене иде Човек – Богочовекот Христос, Кој и пред мене беше, пред јас да се појавам, како Слово и Син Божји, Кој предвечно се раѓа од Отецот; за Кого што ви реков дека кон Него ве водам – не кон себе, затоа што од Него на дар ве примив, бидејќи Е вистински Бог и вистински Човек.

(more…)

Category: Беседи, Општо, Поучно | No Comments »
Tags:

Posted By Macedon on January 9, 2024

~+~

Во овој ден го славиме споменот на Св. Првомаченик Архоѓакон Стефан. Свети Стефан било младо момче, еден од седумте ѓакони избрани од апостолите за да им помагаат во службата Божја и за распоредувањето на даровите.

За него во Светито Писмо во Делата Апостлски се вели: “сиот народ…ги избра: Стефана, човек исполнет со вера и Дух Свети, и Филипа, и Прохора, и Никанора, и Тимона, и Пармена, и Николаја, придојден, од Антиохија; нив ги претставија пред апостолите, а овие, штом се помолија, ги положија рацете над нив…А Стефан, исполнет со вера и сила, вршеше големи чудеса и знаци меѓу луѓето.” Уште и…”Тогаш станаа некои… и почнаа да се препираат со Стефана; но не можеа да му се спротивставуваат на мудроста и Духот, со Кого тој зборуваше. Кога го слушаа ова, срцата им се кинеа од јад и со забите крцкаа против него. А Стефан, исполнет со Дух Свети, кога погледна кон небото, ја виде славата Божја и Исуса како стои од десната страна на Бога, и рече: „Еве, ги гледам небесата отворени и Синот Човечки како стои од десната страна на Бога. Но, тие, откако извикаа со висок глас, ги затворија ушите свои и еднодушно се нафрлија на него. И, кога го изведоа надвор од градот, почнаа на него да фрлаат камења: а сведоците ги оставија алиштата свои пред нозете на едно момче, по име Савле; и фрлаа камења врз Стефана, кој се молеше и велеше: „Господи Исусе, прими го духот мој!” А штом падна на колена, извика со висок глас: „Господи, не примај им го ова за грев!” И како го рече тоа, тој почина.”

Светите Отци неговиот спомен го поврзале со читање на евангелието со параболата за лозарите на кои Господарот им дал се што е потребно за да Му принесуват плодови, но тие обземени од себељубието најпрво ги убиле испратените слуги, а потоа и Наследникот за да му го присвојат Неговиот имот. Но, на крај, Господарот ги погубил и им го одзел лозјето. (Мт 21:33-42)

Category: Житија на светиите | No Comments »
Tags:

Posted By Macedon on January 8, 2024

~ + ~

“What shall we offer to You, Oh Christ,

Who for our sake has appeared on earth as a man?

Every creation which You have crafted offers You thanks.

The angels offer you a song.

The heavens, their star.

The wise men, their gifts.

The shepherds, their wonder.

The earth, its cave.

The wilderness, the manger.

And we offer You a Virgin Mother.

Oh Pre-eternal God, have mercy on us!”

This sticheron from the evening service for the Nativity of Christ made me thinking and gave me an inspiration to write the following lines. I ask for great forgiveness from God and from you that I dare to write on the topic of the Mother of God (Theotokos) at all; it’s a lot easier for me to write about anything else. Some things simply require worthiness from the writer – as real and continual repentance. But such is the teaching service – a double-edged sword: a man blankly signs that he accepts the verdict for himself, according to the criteria he preaches.

(more…)

Category: Беседи, Општо, Поучно | No Comments »
Tags:

Posted By Macedon on January 8, 2024

~+~

„Што да Ти принесеме, Христе,

 за тоа што заради нас како човек се јави на земјава?

Секое Твое создание Ти принесува благодарење;

ангелите – песна;

 небесата – ѕвезда;

мудреците – дарови;

пастирите – радоста своја;

земјата – пештера;

пустината – јасли;

 а ние – Мајката Дева…“

Ме замисли оваа стихира од вечерната служба за Рождество Христово и ми беше повод да ги напишам редовите што следуваат. Барам голема прошка и од Бог и од вас што воопшто се осмелувам да пишувам на тема Богородица; многу ми е полесно да пишувам за што било друго. За некои работи, едноставно, треба достојност – како реално и континуирано покајание. Но, таква е учителската служба – нож со две острици: човек бланко потпишува дека ја прифаќа пресудата за него, согласно критериумите што ги проповеда.

(more…)

Category: Беседи, Општо, Поучно | No Comments »
Tags:

Posted By prohor on January 7, 2024

Рождеството Христово, светата Црква, најсвечено го празнува како еден од најважните настани во историјата на човештвото. Затоа што, ако Христос не се воплотеше и родеше, немаше да биде реално и нашето спасение. Раѓањето Христово му дава смисла на животот човечки. Христос се роди како човек и му овозможи на човекот да се роди повторно (преку крштението), да ја победи смртта и да го наследи животот вечен. Преку рождеството Христово ни се даде можност да станеме синови Божји и наследници на Неговото царство.

Христос е центарот на се’ создадено, видливо и невидливо. Со Неговото раѓање витлеемската пештера, таа вечер, Тој ја направи центар на светот. Не беа тоа раскошните царски палати, туку една обична овчарска пештера. Зашто беше цар смирен и светот не Го прими. (more…)

Category: Беседи, Општо, Поучно | No Comments »
Tags: