Prohor Blog

Posted By Macedon on April 20, 2024

~+~

Марко 10, 32–45

„И кога ги повика повторно дванаесетте, почна да им зборува за она што ќе се случи со Него. Ете, се искачуваме кон Ерусалим и Синот Човечки ќе биде предаден на првосвештениците и книжниците, и ќе Го осудат на смрт и ќе Го предадат на незнабошците. И ќе Го исмеат, и ќе Го бијат, и ќе Го плукаат, и ќе Го убијат, и на третиот ден ќе воскресне“ (Марко 10, 32–34).

Христос нѐ потсетува сите дека нашето Царство не е од овој свет и дека во овој живот нѐ очекуваат и страдања. Со оваа вистина треба да сме начисто и да не се лажеме самите себе со некакво „земно царство“. Секако, страдањата прифатени со смирение и благодарност кон Бог ќе ни ги донесат и утехата на Светиот Дух и предвкусот на Царството Небесно, уште сега и овде.

(more…)

Category: Беседи, Општо, Поучно, Православно предание | No Comments »
Tags:

Posted By prohor on April 20, 2024

Во еден од Палестинските манастири живееше Старец Зосима, истакнувајќи се меѓу браќата со особено благ карактер и расудување. Тој беше даден во манастир како дете, и во најраната младост, запознавајќи се со монашкиот живот, дозна за сите строги правила и завети во монаштвото.

Покрај тоа, во текот на својот живот го искуси подвигот на испосништво и строго ги исполнуваше поуките на вистинските опитни монаси: легнувајќи, станувајќи, извршувајќи го ракоделието, или јадејќи, постојано Му се молеше на Бог, дење и ноќе поучувајќи се во словото Божјо. Така тој наполни 53 години, а во тоа време во него се зароди самољубива мисла за неговото достоинство и совршенство. Тој размислуваше во себе, барајќи одговор: „Постои ли на земјата таков монах кој би можел да ме поучува, кој би можел да ми биде пример во испосништво и кој би ми покажал некој подвиг кој јас уште не сум го направил? Дури и во самата пустина, мислел тој, постои ли човек, кој би ги надминувал моите дела?“ (more…)

Category: Житија на светиите | 1 Comment »
Tags:

Posted By Macedon on April 7, 2024

~+~

Today is the beginning of our salvation and the revelation of the eternal mystery:

The Son of God becomes the Son of the Virgin, as Gabriel announces the good news.

That is why let us also cry to the Theotokos:

Rejoice, O Full of Grace, The Lord is with You!

(Troparion of the Annunciation)

When eleven years of service and abode of the Most-Holy Virgin in the temple of Jerusalem had passed, and fourteen years since Her birth, that is, when She entered Her fifteenth year of Her life, the priests told Her that, according to the Law, She could no longer remain in the temple, but ought to get engaged and get married. But to the great surprise of all the priests, the Most-Holy Virgin replied that She was devoted to God and that She wanted to remain a girl (Virgin) until death, without marrying anyone.

Then, by the providence and inspiration of God, the High Priest Zacharias, the father of Saint John the Baptist, together with the other priests, gathered twelve unmarried people from the tribe of David, to entrust to one of them the Virgin Mary, in order to take care of Her, and to preserve Her girl-ship (virginity). She was entrusted to the old and righteous Joseph of Nazareth, who was also Her relative. At Joseph’s home, the Most-Holy Virgin continued to live as she did at Solomon’s temple.

(more…)

Category: Општо, Поучно | No Comments »
Tags:

Posted By Macedon on April 7, 2024

~+~

Денес е почеток на нашето спасение и откривање на вечната тајна:

Синот Божји станува Син на Дева и Гаврил објавува блага вест.

Затоа и ние да повикаме кон Богородица:

Радувај се, Благодатна, Господ е со Тебе!

(тропар на Благовештение)

Кога навршиле единаесет години од пребивањето и служењето на Пресветата Дева во Ерусалимскиот храм, и четиринаесет години од раѓањето, односно кога стапила во петнаесеттата година од животот, свештениците Ѝ соопштиле дека, според Законот, Таа веќе не може да остане во храмот, туку треба да се вери и да стапи во брак. Но, на големо изненадување за сите свештеници Пресветата Дева одговорила дека Таа се посветила на Бог и дека сака да остане девојка до смртта, без да стапи во брак со кого било. Тогаш, по промисла и вдахновение Божјо, првосвештеникот Захариј, таткото на свети Јован Предвесник, заедно со останатите свештеници, собрал дванаесет неоженети луѓе од Давидовото племе, за на еден од нив да му се довери Дева Марија на чување на Нејзиното девојчинство и на грижа за Неа. Таа му била врачена на стариот и праведен Јосиф од Назарет, кој Ѝ бил и роднина. Во домот на Јосиф, Пресветата Дева продолжила да живее исто како и во Соломоновиот храм.

(more…)

Category: Општо, Поучно | No Comments »
Tags:

Posted By Macedon on April 7, 2024

~+~

Гледате ли колку ни треба мека храна, та евангелскиот исечок од денот на Благовест да почнува со бременоста на света Елисавета во поодмината возраст и останатото што следува (види: Лука 1, 24–38).

Што е тврда храна?

Тврда храна е дека на Онаа Која е почесна од херувимите и безмерно пославна од серафимите не Ѝ требаше од ангел,  па макар бил тоа и архангел Гаврил, да ја дознава вистината за воплотувањето од Светиот Дух на Синот Божји во Неа.

Се сеќавате што сум ви говорел: веќе на вториот степен од духовниот развој – просветлување на умот, се здобиваме со одредена слобода пред Бог. Тогаш не само што нашите главни планови често ќе се совпаѓаат со Божјите планови, иако не секогаш во она време што ние го очекуваме, туку веќе го добиваме дарот Божји, сами, во своето срце – во областа на Царството Небесно, да го подготвиме она што ќе сакаме да ни се случи.

Ви говорам за благодатниот подвиг на аскетската умно-срдечна молитва.

Колку повеќе сето ова важи за недостижниот исихастичко-молитвен подвиг што Пресветата го имала во Светињата на Светињите од старозаветниот Храм.

(more…)

Category: Беседи, Општо, Поучно | No Comments »
Tags: